Për afro gjashtë muaj nga afati punimet për rrugën e “Arbrit” nuk kanë ecur në ritmin e duhur. Në nisje të projekti qeveria po mburrej me këtë projekt, ndërsa tani e pranon vetë që puna nuk po ecën ashtu si duhet.
Ngërçin në këtë projekt e ka njoftuar Ministria e Financave, e cila me një projekt të publikuar së fundmi tregon se, kompania koncesionare nuk ka realizuar investimet sipas planit në vitet 2019 dhe në vitet 2020, duke mbetur pas kalendarit të përgjithshëm të punimeve që parashikojnë hapjen e rrugës për përdorim në prill të vitit 2020.
“Deri në fund të vitit 2020 është realizuar 65% e volumit të punimeve të ndërtimit, rreth 5 pikë përqindje më pak se sa ishte parashikuar gjatë kësaj periudhe, për shkak të pezullimit të punimeve në tunelin e Murrizit dhe punimeve në skarpata për segmentet numër 2 dhe numër 4,” shkruhet në relacionin e Ministrisë së Financave për ecurinë e kontratave kryesore koncesionare.
Sipas të dhënave të Ministrisë, në vitin 2020 parashikohej të investoheshin 8 miliardë lekë ndërsa janë investuar 6.3 miliardë lekë. Edhe në vitin 2019, investimet nuk u realizuan plotësisht. Problemi, sipas Ministrisë së Financave është sërish Tuneli i Murrizit.
“Për vitin 2019, vlera e realizuar e investimit përbën 84.6% të vlerës totale të parashikuar për t’u investuar gjatë këtij viti, për shkak të problematikës së Tunelit të Murrizit ku ritmi i punimeve u ngadalësua,” shkruhet në relacion. Ndërtimi i kësaj rruge ka thënë Rama është kthimi në realitet i një ëndrre 100 vjeçare të banorëve të kësaj zone. Rruga e Arbrit do të jetë pa pagesë ka premtuar kryeministri.
8 premtimet e rreme për rrugën e Arbrit
Rruga e “Arbrit” ka qenë një projekt që është përdorur kryesisht si premtim elektoral për 16 vite rresht. që nga 2004 janë bërë 8 deklarata premtuese për këtë projekt dhe akoma e sot ndodhet në proces aspak të mirë.
Në 2004, kryeministri Fatos Nano premtoi se rruga e Arbrit do të nderohet brenda 2005, por kjo nuk ndodhi.
Në 2007, kryeministri Sali Berisha tha se në mandatin e tij 4- vjeçar projekti për rrugën e Arbrit do të jetë një vendim i padiskutueshëm që do të fillojë menjëherë dhe sërish ky mbeti një premtim.
Në 2009, qeveri Berisha shpalli tenderin për këtë projekt dhe premtoi se do të jetë gati për dy vjet, por sërish asgjë.
Në 2014, kryeministri Rama premtoi të njëjtën gjë, duke thënë se ka nisur bashkëpunimin me një kompani kineze për këtë projekt, por punimet nuk filluan.
Një vit me pas, Edi Rama vazhdonte me premtimet dhe planet rreth rrugës së Arbrit, por asgjë konkretet akoma.
Ndërkohë, vetëm në 27 nëntor të 2015 Rama bëri një takim në Pekin për të nisur diskutimet reale mbi këtë projekt, por punimet nuk filluan as për 3 vitet e ardhshme.
Edhe pse në 2017 Rama deklaroi se kanë filluar hapat e parë të projektit, kontrata e vërtetë u firmos në 2018.
