Punonjësit e Bashkisë Tiranë janë detyruar dhe kërcënuar të dalin nesër në shesh për të protestuar për lirimin e Erion Veliajt. Ata janë njoftuar se duhet të paraqiten me jelekët e Bashkisë, dhe nëse refuzojnë, do të rrezikojnë vendin e punës.
Një qytetar shpjegon se urdhri ka ardhur përmes telefonatës, pa asnjë dokument apo provë formale. Por, siç ndodh shpesh në këto raste, është më shumë një manipulim që nuk le hapësirë për refuzim.
Një tjetër shqetësim është mungesa e bonusit të fundvitit, që akoma nuk është dhënë, ndonëse dokumentet për këtë janë përgatitur.
Mesazhi i qytetarit:
“Nëse keni dëshirë, mund ta postoni për t’ia bërë të ditur edhe një herë këtij populli se si shfrytëzohen punëtorët e thjeshtë të Bashkisë Tiranë. Babi im prej disa kohësh punon në Bashkinë Tiranë dhe ditën e sotme është njoftuar se nesër duhet të paraqitet në shesh për të protestuar me jelekun e Bashkisë për lirimin e Zdromsit, duke u kërcënuar se nëse nuk paraqitet, do të merren masa për heqjen nga puna.
Organizimi bëhet me urdhër nga pesë të rinjtë që janë në krye të ndërmarrjeve të Bashkisë.
Prova nuk kam, fatkeqësisht, sepse komunikimi është bërë nëpërmjet telefonatës ditën e sotme. Gjithsesi, nuk ka shumë nevojë për prova, sepse të gjithë e dimë shumë mirë sesi funksionon. Provat do të jenë nesër në drekë, kur punëtorët e ndërmarrjeve të Bashkisë do të detyrohen të paraqiten në shesh. Askush nuk ka dëshirë të dalë për të protestuar për Zdromsin e Tiranës, aq më tepër punëtorët e ndërmarrjeve për të cilët u firmos nga vetë Zdromsi bonusi i fundvitit prej 15 mijë lekësh dhe akoma nuk dihet ku ka përfunduar, sepse askush nuk ka marrë asgjë. Dokumentet për këtë pagesë që duhej të bëhej janë publikuar po nga ju.” joq
Discussion about this post