Dom Gjergj Meta ka reaguar për ngjarjen e rëndë në Himarë, ku skafi ka goditur për vdekje një vogëlushe.
Në reagim, Dom Gjergj Meta shprehet se sot në orën 19:00 dioqeza e Lezhës dhe ajo e Rrëshenit bashkë me shoqërinë civile do të zhvillojnë sot një marshim homazh për 7-vjeçaren.
“Të dashur miq, Sonte në orën 19:00 Dioqeza e Lezhës dhe ajo e Rrëshenit, bashkë me shoqërinë civile Lezhë-Kurbin-Rrëshen, organizojnë një marshim homazh për vajzën e vogël Joanda Avdia që dje gjeti vdekjen në bregdet për shkak të papërgjegjshmërisë.
Ju ftojmë të gjithëve, sidomos pushuesit që ndodhen në Shëngjin që në orën e caktuar të gjendemi te oborri i Kishës së Shëngjinit e prej aty të nisemi në heshtje drejt bregdetit me lule e qirinj në duar.
Kjo është një lutje, një dëshirë dhe një protestë që gjëra të tilla, frut i papërgjegjshmërisë, të mos ndodhin më kurrë e që të gjithëve t’u ofrohet siguri. JU PRESIM! Merrni një lule të freskët ose një qiri me vete”, ka shkruar në Facebook Dom Gjergj Meta.
Discussion about this post