Vlora duket se është një prej bashkive me interesin më të ulët të qytetarëve për të marrë pjesë në zgjedhjet e pjesshme që po mbahen këtë të dielë.
Edhe pse kanë kaluar më shumë se 8 orë nga momenti kur janë hapur qendrat e votimit, shumica e qytetarëve e kanë bojkotuar procesin duke mos marrë pjesë dhe mos ushtruar të drejtën e tyre të votës.
Në qendrën e votimit që është ngritur në shkollën “Hasan Mëhilli” në Dukat, kishte dy orë që nuk kishte shkuar asnjë qytetar për të votuar. Në momentin që një zotëri mbërriti, ai u kujtua se kishte harruar kartën e identitetit në shtëpi.
Edhe pse komisionerët u treguan të gatshëm ta dërgonin në shtëpi me makinë dhe ta risjellin për të votuar, ai refuzoi, duke thënë: Jam i lodhur nuk kam fuqi dhe kam shtëpinë larg.
Duket se qytetarët janë të zhgënjyer nga pushteti, dhe çdo herë e më shumë po e shpërdorojnë të drejtën e tyre për të votuar.
Discussion about this post