Ditë më parë ish-kapiteni i Kombëtares shqiptare të futbollit, Lorik Cana është acaruar keq me komentatorin sportiv nga Kosova, Andin Lokaj, i cili bëri një deklaratë në ndeshjen e kombëtareve të Shqipërisë dhe Kosovës U-21 duke thënë: “Mendo sikur të mos kishim fituar sonte kundër këtyre, që kur kemi luajtur ne kosovarët top, ata në stadium kanë pasur vetëm ushtarë të Enverit në tribuna. Harrova që edhe peshqit me dylbi i shikonin.”
Menjëherë në një postim në Instagram Lorik Cana ka publikuar foton e komentatorit Lokaj si kloun, ndërsa tifozeritë më të zjarrta të futbollit tonë e kanë shpallur komentatorin ‘non-grata’.
Qeqa duke mos përkrahur në asnjë moment deklaratën e Lokajt, reagoi ndaj ish-kapitenit Cana që po përdorë standarde të dyfishta.
“Lorik Cana nuk mund ta konsiderojë ‘palaço’ një figurë si Andini, kur të gjithë e dimë kontributin dhe mbështetjen që ka dhënë për Kombëtaren ‘Kuqezi. Ky nuk është shembulli që kapitenët duhet të japin. Ata njihen mes tyre, Loriku duhet të tregonte pjekuri duke ia vendosur në dukje gabimin Andinit me anë të një telefonate dhe jo ti hidhte benzinë zjarrit ku e etiketonte si palaço.”
Qeqa Krelani, në karrierën e saj ka treguar se është një personazh që gjithmonë ka rrezikuar duke thënë të vërtetën, dhe këtë herë ajo nxorri në dritë standartet e dyfishta të përdorura nga ana e kapitenit legjendar të Kombëtares Shqiptare.
Kujtojmë se edhe në të shkuarën kemi patur raste të ‘kryqëzimit’ të komentatorëve të sportit, ku mund të përmendim rastin e të ndjerit Kosta Grillo, për deklaratën që ai bëri në mbështjetje të kombëtares Serbe gjatë Botërorit të vitin 2018, ku asokohe Grillo e sqaroi si më poshtë:
“Gjej rastin të flas direkt me shikuesit pasi portalet kanë luajtur me fjalët e mia duke vendosur tituj të paqenë. Unë nuk jam një tifoz i madh i Zvezdës por unë jam një simpatizues i kësaj skuadre, në vitin 1991 të gjithë ishin tifoz me atë skuadër që nuk kishte në organikë lojtarë serbe, por maqedonas.”
Në atë kohë, nga ana e Lorik Canës nuk pati asnjë reagim për deklaratën e të ndjerit Kosta Grillo, kjo ndoshta për faktin e lidhjeve të tij që ende ruheshin për çështje interesash personale me Federatën Shqiptare të Futbollit, dhe nuk i leverdiste një ‘luftë’ e brendshme në skenën e futbollit shqiptar.
Tashmë që Lorik Cana është tërhequr edhe nga futbolli duket se herë pas here kërkon të etiketojë dhë të tallë publikisht rolin e komentatorit, edhe në rastet kur bëjnë gabime sado të vogla, por të trumbetuara nga personazhe si ai, përcillen në mënyrën e gabuar tek publiku.
Më poshtë është reagimi i plotë i komentatores Qeqa Krelani:
Discussion about this post