Dhoma Kombëtare e Avokatisë ka marrë vendimin për të ndërprerë bojkotin e seancave gjyqësore, që kishin nisur si pasojë e kundërshtisë për hartën e re gjyqësore.
Vendimi është marrë në mbledhjen e sotme të thirrur pas miratimit të hartës në mbledhjen e këshillit të ministrave.
Kreu i Dhomës së Avokatëve Maks Haxhia paralajmëroi se hapi i radhës për të kundërshtuar këtë vendim do të jetë Gjykata Kushtetuese.
Ministri Ulsi Manja bëri të ditur se harta e re e projektuar nga KLGJ do të nisë të vihet në zbatim në muajin shkurt të vitit të ardhshëm.
Harta e re gjyqësore do të sjellë mbylljen e 18 gjykatave në rang vendi, duke e reduktuar numrin e gjykatave të shkallës së parë, dhe duke lënë vetëm një gjykatë apeli.
Discussion about this post