“Qindra milionë euro për aksin Kardhiq-Delvinë”, Salianji: Rrugët e qeverisë janë kthyer në autostrada abuzimesh

Me anë të një statusi në facebook, deputeti Ervin Salianji ka shkruar në lidhje me abuzimet që janë bërë në rrugën “Kardhiq-Delvinë”, ku sipas tij fondet shtetërore janë shpërdoruar totalisht. Mes të tjerash Salianji ka kërkuar që të hetohet ky aks rrugor për të cilin janëzhvilluar 9 tendera dhe janë shpenzuar qindra milionë euro. Sipas tij,

“Rrugët e florinjta të qeverisë janë kthyer në autostrada abuzimesh dhe shpërdorimesh për llogari të qeveritarëve dhe oligarkëve afër tyre! Investigimi mbi rrugën Kardhiq-Delvinë përveç vonesave disavjeçare nxjerr në pah dhe abuzimet marramëndese që rëndojnë mbi popullin më të varfër në Evropë. Drejtësia ka detyrën historike të hetojë më së pari abuzimet e mëdha që shterojnë buxhetin, ngarkojnë qytetarët me taksa shtesë dhe pamundësojnë jetesën në Shqipëri! Hetimi i shpejtë i denoncimeve miliona euroshe dhe nxjerrja para përgjegjësisë penale të abuzuesve është emergjente në kushtet kur përditshëm po denoncohen afera të mëdha korruptive!” – shkruan Salianji në facebook.