Lulzim Basha, i vetëshpallur si kryetar i PD-së zyrtare apo vulës sikundër njihet, i cilësoi si kukuvajka Kryeministrin Edi Rama dhe ish-Kryeministrin Sali Berisha, të cilët nuk flasin për asgjë që ka lidhje me interesin qytetar, apo sigurinë kombëtare.
Ai ka vijuar akuzat në drejtim të Ramës dhe Berishës se po hapin debate të qena dhe të paqena thjesht për të tërhequr vëmendjen nga problemet reale. Basha shprehu mbvshtetjen e plotë ndaj SPAK dhe tha se kjo është e vetmja mundësi që Shqipëria ka për ti dhënë fund pandëshkueshmërisë, sikundër paralajmëroi se Edi Rama po tenton të bllokojë drejtësinë e re.
Basha tha se ditën e hënë në Kuvend do të depozitohet një amendament përmes të cilit do të propozohet që Kosovës ti alokohet një fond prej 50 mln euro nga buxheti prej 7 mld euro që u miratua për 4 minuta.
Basha tha se ky fond do të ishte një ndihmv për Republikën e Kosovës në fushën e mbrojtjes.
“Gjatë javës që po lëmë pas, është përvijuar edhe më qartë kërcënimi që i paraqitet paqes dhe stabilitetit në rajon, në veçanti Kosovë, nga revanshizmi i Serbisë nën dogmën e botës serbe. Hapi i fundit sulmi terrorist në Banjskë, ende i pahetuar.
Partnerët tanë strategjikë i kanë bërë të qarta qëndrimet e tyre. Në Tiranë nuk dëgjohet gjë tjetër veç kukuvajkave të mëngjesit te Kryeministria apo Kuvendi, dhe ato të darkës, e dini vetë ju ku. Asgjë për sigurinë kombëtare.
Ky që është në pushtet bën teatër me regji për zhvillime pseudo-politike.
Opozita duhet të bëjë detyrën e vet në drejtim të Kosovës. Ka në dorë jo thjeshtë të tregojë me gisht plagën, të vejë para përgjegjësisë shkaktarin e kësaj plage, por dhe të kërkojë hapa aktivë.
Ndaj të hënën do depozitojë në Kuvend një amendament të megabuxhetit t që u kalua për 4 minuta. dhe do kërkojë rialokim të rreth 5 mld lekë të reja ndihmë ushtarake për Kosovën”, tha Basha.
Discussion about this post