Kryeministri Edi Rama, ka hapur ditën e sotme punimet e samitit të BE-Ballkani Perëndimor. Ai foli për rrugë dhe frymë të re bashkëpunimi mes shteteve të rajonit, ndërsa më tej bëri thirrje për të lënë pas çdo konflikt.
Rama: Është e qartë që mundësia e re që përfaqëson plani jashtë kornizës, na sfidon në gatishmërinë për fatin e përbashkët europian. Mundësitë mund të merren apo humben. Duhet të angazhohemi pa kufizime. Unë e pranoj se ndryshe nga Shqipëria disa vende në rajon janë në situatëkomplekse për njëri tjetrin. 10 vite me parë udhëheqësit e BP u takuan në zyrën e Kancelarit në Berlin për të kapur të ardhmen. Bashkëpunimi është një kriter për të vlerësuar pjekurinë tonë përmes planit të ri të rritjes. Gjatë 10 viteve procesi i Berlinit na ka treguar se sa më e thjeshtë është të thuash se të bësh.
Discussion about this post