Sekretariati i Etikës në Kuvendin e Shqipërisë ka miratuar kërkesën e socialistëve për përjashtimin me 10 ditë të 18 deputetëve të opozitës nga seancat plenare dhe me 20 ditë deputetin Ervin Salianji.
Socialistët e drejtuar nga Edi Rama kërkuan përjashtimin e 19 deputetëve të opozitës me pretendimin se bllokuan punimet e Kuvendit të Shqipërisë dhe Komisionit të Posaçëm të Reformës Zgjedhore.
Deputetët të cilët janë përjashtuar nga punimet e Kuvendit janë: Albana Vokshi, Sorina Koti, Elda Hoti, Lindita Metaliaj, Isuf Çela, Tritan Shehu, Lefter Gështenja, Helidon Bushati, Xhelal Mziu, Edmond Spaho, Oerd Bylykbashi, Ervin Salianji, Samir Korreshi, Kasem Mahmutaj, Ramadan Likaj, Kastriot Piroli, Qani Xhala, Lodovik Hasani dhe Luan Baçi.
Në shkresën drejtuar Sekretiariatit të Etikës thuhej se ligjvënësit e opozitës bllokuan foloren, shkaktuan kaos në sallë me anë të paisjeve zhurmuese duke cënuar dhe penguar zhvillimin e rregullt të seancës.
Gjithashtu ata bllokuan dhe punimet e Komisionit të Posaçëm të Reformës Zgjedhore i planifikuar për t’u mbajtur fizikisht ditën e premte, duke i detyruar anëtarët e komisionit të vijonin punimet online.
Në këtë mënyrë, socialistës e Ramës e kanë kthyer në rutinë përjashtimin e deputetëve opozitarë, duke dhënë sinjale se nuk do të tolerojnë asnjë “ngritje zëri” që mund ti prishë qetësinë Kryeministrit.
Discussion about this post