Kryeministri Edi Rama nuk ka kursyer edhe ditët e festave për të bërë propagandë me familjet e pastreha. Ditën e sotme Rama ka marrë pjesë sot në ceremoninë e dorëzimit të banesave familjeve në lagjen ‘5 Maji’, të cilat u prekën nga tërmeti i 26 nëntorit 2019. Mes ironie Rama tha e do të marrin çelësat e shtëpisë 100 familje, të cilat vetë nuk do mundeshin t’i ndërtonin kurrë. Ai përmendi faktin se familjet në atë lagjen jetojnë në kushte mizerable, por harron se këta qytetarë janë në atë gjendje për shkak të kryebashkiakut që vetë Rama iu ka vënë në kryer.
“Sot fillojmë me 100 familjet e para, ndër të cilat pjesa më e madhe as nuk do ta kishin pasur mundësinë që të blinin apartamente të këtyre standarde që do të pasohen nga 1000 familje të tjera në totalin e 100 mijë familjeve të prekura nga tërmeti. Jo vetëm atyre, por edhe atyre që ishin në këtë zonë kur ne vendosëm të ndërtojmë një lagje të re e cila do të jetë së bashku me lagjen e Kombinatit, lagjja më moderne e Tiranës për disa vite, ku gjejnë strehë falë këtij programi edhe familje që ishin këtu në kushte mizerabël, pa infrastrukturë, disa me legalizime, disa pa legalizime fare, disa me prona, disa pa prona fare dhe për të gjithë programi dha një rrugë të re, një mundësi të re duke i ofruar atyre shumë më tepër se çdo t’u ofronte një zhvillues privat dhe duke bërë që edhe familjet e tyre të sistemohen për bukur dhe e gjitha kjo falas, pa asnjë kokërr leku nga xhepi i këtyre familjeve”, tha Rama.
Paradoksi thellohet edhe më tej, po të rikujtojmë se banorët e kësaj zone prej muajsh kanë dalë në protestë duke kundërshtuar prishjen e banesave, pasi pretendojnë se disa prej shtpëive nuk ishin prishur. Madje gjendja ka agravuar edhe më tej, banorët e ‘5 Majit’ shprehen se bashkia nuk i shpërblen ata me çmimin e vërtetë që kanë banesat e tyre, por ka bërë kontratat me falsifikim dokumentesh sepse ata asnjëherë nuk kanë firmosur për marrëveshje.
Kanë qenë të shumta raste kur banorët janë përplasur me policinë bashkiake dhe fadromat që shkonin të prishnin banesat e tyre dhe në asnjë moment Erion Veliaj dhe Edi Rama nuk kanë shkuar të bisedojnë me ta për të gjetur një zgjidhje të përbashkët pa cenuar asnjërën palë. Banorët shprehen se aty kanë derdhur djersën e vetë dhe do i përshkallëzojnë protestat, por përsëri Rama nuk e ka dëgjuar zërin e tyre dhe shkon e bënë propagandë me 100 apartamente, kur me mijëra familje të tjera qëndrojnë në qiell të hapur.
Discussion about this post