Trajneri i kombëtares, Edi Reja ka bërë një deklaratë të fortë në lidhje me futbollistin shqiptar më në formë të momentit, Armando Broja. Reja ka thënë gjatë një interviste për RTSH se Broja nuk ka pasur sjellje pozitive, duke paralajmëruar se kush punon nuk mund të bëhet pjesë e grupit.
Reja vuri gjithashtu në dukje se do lojtarë që duhet të interpretojnë njëlloj në dy fazat, kur e kanë dhe kur nuk e kanë topin, dhe futbollistët e dinë mirë mentalitetin e tij.
“Broja nuk ka pasur sjellje shumë pozitive së fundmi, për dëmtime apo për mënyrën e sjelljes. Ai është një djalë që ka potencial, por flitet shumë për të. Mua nuk më pëlqen të flas individualisht, flas për Shqipërinë e për të gjithë, nuk ka një lojtar më të fortë. Kemi bërë rezultate për meritë të skuadrës.
Për potencial mund të jetë shumë i vlefshëm por duhet të përmirësohet shumë në sjellje. Unë i pres të gjithë, i kam krahët e hapur dhe i përqafoj të gjithë, nuk përjashtoj asnjë. Por sjelljen dhe punën për ekipin duhet ta bëjnë të gjithë. Ka dy faza, kur ke apo jo topin, unë dua lojtarë që interpretojnë njëlloj të dy fazat dhe lojtarët e dinë mentalitetin tim. Kush nuk punon për ekipin nuk mund të bëhet pjesë e këtij grupi”, tha Reja.
Discussion about this post