Kryeministri Edi Rama dhe Behgjet Pacolli, ditën e sotme u shfaqën sëbashku në Thumanë, ku po inspektonin nga afër pallatet që po ndërtohen për familjet e prekura nga tërmeti i 26 nëntorit të vitit 2019.
Teksa po shikonte se si po shkonim punimet me rindërtimin e kësaj zone, Rama la porosi për ndërtuesit që të mbarojnë ndërtimin e shtëpive para festave të fundvitit.
“Për Vit të Ri duhet të jenë të mbaruar. Më 31 dhjetor të gjithë duhet të jenë në familjet e tyre e të bëjnë Gëzuar e mbaron puna jote më pas me bashkinë bëjmë disa ndërhyrje të vogla”
Ndërkohë zv.kryeministri Arben Ahmetaj bëri me dije se janë mbi 12 mijë apartamente në të cilat do të streohen familjet e dëmtuara nga tërmeti, teksda shtoi se aktualisht janë 157 familje që jetojnë në çadra.
Discussion about this post