Zonat malore në Qarkun e Korçës janë përfshirë nga reshjet e para të dëborës në orët e para të mëngjesit. Ndërkohë, temperaturat kanë rënë në nivelet 3°.
Reshje bore ka pasur në Malin e Gramozit në Kolonjë dhe në Mokër të Pogradecit, por kanë qenë të lehta dhe nuk kanë shkaktuar probleme.
Gjithashtu, përkeqësim i ndjeshëm i situatës meteorologjike është vënë re gjatë mbrëmjes së djeshme në zonën e Kukësit, në veri të Shqipërisë, ku në disa zona kanë rinisur reshjet e borës. Zonat e prekura më shumë nga reshjet e borës kanë qenë zonat e thella të Shishtavecit, Turajt dhe Novosejt.
Ndërkohë, temperaturat e ulëta e kanë kapluar gjithë vendin, duke bërë që qytetarët të nxjerrin veshjet e dimrit dhe xhupat e trashë, pavarësisht se ndodhemi në muajin Tetor.
