Protestat kundër rritjes së çmimit kanë rinisur këtë mëngjes. Me dhjetëra qytetarë kanë bllokuar rrugën në Tiranë- Lezhë. Sot është dita e katërt e protestës kombëtare, ku qytetarët kundërshtojnë rritjen e çmimit të karburanteve, ushqimeve dhe rritjen e çmimit të transporti publik.
Kjo protestë ishte paralajmëruar që mbrëmjen e kaluar, ku pati shumë përplasje mes policëve dhe qytetarëve, të cilët protestuan për disa orë pranë Kryeministrisë dhe më pas marshuan drejt Zogut të Zi, ku bllokuan rrugën dhe shume të tjerë fikën makinat në shenjë proteste. Pasi javën që lamë pas çmimet e naftës dhe ushqimeve janë rritur në shifra rekord, shumë herë më lartë se vendet e rajonit dhe qytetarët shprehen se kjo nuk ka lidhje me ndikim e luftës.
Kështu që nga e mërkura në vend nisën protestat dhe të gjithë shprehen se nuk do të ndalen derisa çmimet të stabilizohen. Vetëm ditën e djeshme, si efekt i protestave, nafta filloi të bjerë por ende në shifra të papërfillshme. Ndërsa, kryeministri Edi Rama, i gjetur ngushtë tha se do të mblidhet sot një Bord, i cili do të vlerësojë situatën dhe do të rivendosë çmimet. Nuk dihet se çfarë do të prodhoj ky bord, pro qytetarët nuk kanë më besim, ndaj sot paralajmërojnë protestë me pjesëmarrje më të madhe dhe tregojnë se nuk do dorëzohen. Perçe se në Tiranë, protesta po mbahen edhe në qytet të tjera.
Discussion about this post