Është shtyrë për të disatën herë rradhazi, pretenca e prokurorisë së Posaçme SPAK, ndaj 6 të pandehurve Ervis Bardhi, Klajdi Dokoli, Etien Cani, Jorgo Leku dhe Ardjan e Florenc Çapja.
Seanca e rradhës është caktuar për t’u zhvilluar javën e ardhme, ku i është lënë detyra prokurorit të çështjes Behar Dibra, për leximin e konkluzjoneve përfundimtare ndaj 6 të pandehurve.
Shkak për shtyrjen e seancës këtë herë, nuk u bë mungesa e arsyeshme e gjyqtares, Etleva Deda, por ka qënë mungesa e njërit prej avokatëve mbrojtës të të pandehurve.
Për shkak të gjëndjes shëndetësore të përkeqësuar, gjyqtarja Etleva Deda, është zëvendësuar përkohësisht në këtë proces gjyqësor nga gjyqtarja, Elsa Ulliri.
Kjo e fundit do zëvendësojë Etleva Dedën përkohësisht në gjyqin ndaj 6 të pandehurve, për vrasjen e Gentjan dhe Nezir Beqirit, ngjarje kjo e ndodhur në Elbasan në 15 gushtin e vitit 2012.
Elsa Ulliri, mësohet se ka zëvendësuar gjyqtaren Deda edhe tek procesi gjyqësor kundër të pandehurve Xhuljano Hoxha dhe Euglen Halilaj, të cilët akuzohen se në bashkëpunim dhe me persona të tjerë, kanë marë pjesë në vrasjen e Emiljano Ramazanit dhe Regis Runaj.
Discussion about this post