Çështja Cristiano Ronaldo vazhdon të përflitet edhe pas një vere që prodhoi një pafundësi lajmesh për pesë herë fituesin e Topit të Artë. Një vend të veçantë së fundmi në mediat më prestigjoze ka zënë marrëdhënia e tij me trajnerin Erik ten Hag, ku është komentuar edhe nga motra e portugezit në rrjetet sociale Elma Aveiro.
Ten Hag më në fund e aktivizoi si titullar Ronaldon në Premier League në sfidën përballë Neëcastle, por tekniku holandez e largoi nga fusha e lojës në minutën e 72-të edhe pse portugezi po bënte një paraqitje të mirë. Ten Hag për zëvendësimin e Ronaldos në sfidën përballë Neëcastle është kritikuar së tepërmi edhe nga tifozët e Manchester United.
Në rrjetet sociale, motra e portugezit ka krijuar edhe një herë polemika me postimin e saj dhe tani një largim i Ronaldos nga Manchester United është më pranë se kurrë. Ajo ka shpërndarë një lajm ku flitet për justifikimet e Ten Hag për zëvendësimin e Cristiano Ronaldos. Elma ka lënë komentin e saj: “Është tepër vonë”, shoqëruar edhe me disa emoji që shprehin pakënaqësi të madhe për trajnerin holandez të “Djajve të Kuq”.
Gjithashtu, Erik ten Hag, zgjodhi mos ta aktivizonte për asnjë minutë Ronaldon në derbin e Manchesterit, ku City triumfoi 6-3. Në intervistën pas sfidës, Ten Hag u justifikua se vendimi për mos aktivizimin e Ronaldos, kishte të bënte me respektin që Ten Hag ka për karrierën e tij.
Çështja Cristiano Ronaldo vazhdon të jetë tema kryesor te United , ku merkato dimërore do të prodhoj sërish një pafundësi lajmesh për të ardhmen e portugezit, ku nuk përjashtohet dhe një largim i mundshëm përpara përfundimit të kontratës./Supersport/
Discussion about this post