Roza Lati i është përgjigjur 50 pyetjeve të Prive dhe nxori shumë të pathëna.
Moderatorja e “Why Not” gjatë intervistës tregoi për programin ku është ndjerë se ka pasur qasje negative ndaj saj dhe ajo përmendi emisionin “Ftesë në 5”.
“Kur isha e ftuar te pasditja në Top Channel. Moderatorja shfaqi xhelozi të hapur dhe po e them këtë pasi e thonë të gjithë. Pra është akumulim i opinionit publik”.
Roza Lati u pyet gjithashtu edhe për “Big Brother VIP” dhe ajo tregoi se e ka refuzuar për arsye pune.
“Më erdhi keq, pasi e di që ndoshta mund t’i duhesha atij formati, por nuk e kam luksin të rri 3 muaj aty. Kam punë.”- tregoi ajo.
Moderatorja tregoi gjithashtu se momenti më i bukur i fëmijërisë ka qenë kur pasi ishin ndarë prindërit, Rita Lata, mamaja e Rozës, bleu shtëpi.
Roza rrëfeu se nuk merret me politikë dhe nuk i intereson por do donte shumë të kishte Edi Ramën në emision pasi sipas saj është “personazh i paparë”.
