Rrëqethëse/ Tenda e kalçetos e zuri poshtë, fjalët e fundit të 22- vjeçarit: Më ndihmoni

“Më ndihmoni…”- ishin fjalët e fundit të 22-vjeçarit, Armando Kazmës i cili humbi jetën ditën e djeshme në Sarandë.

Ngjarja u raportua rreth orës 20:40 si rezultat i shirave me intensitet të lartë me rrebesh dhe erës së fortë u thyen hekurat anësorë të rrethimit të kalçetos tek Ura e Gajdarit duke shkaktuar shembjen e strehës duke goditur 22-vjeçarin.

Për ta nxjerrë nga rrënojat u angazhuan rreth 15 forca të MZSH-së, policia si dhe shokë të viktimës. Armando u nxor i gjallë nga rrënojat,  por për shkak të plagëve të marra ndërroi jetë rrugës për në spital.

Ngjarja është duke u hetuar si dhe po kryhen vlerësime të kushteve të sigurisë në këtë mjedis sportiv.