Në dalje të stadiumit ‘El Sadar’, ku Barça mundi vetëm të barazonte kundër Osasuna-s, presidenti Joan Laporta u përfshi në një incident me një tifoz i cili e ofendoi kur do të merrte makinën që do ta çonte në aeroport.
Kamerat e ndryshme televizive dhe gazetarët mblodhën pamje të momenteve të tensionuara, ku shërbimet e sigurimit të klubit po punonin fort dhe në të cilat dëgjoheshin fyerje.
Sapo ka përfunduar ndeshja, kur drejtuesi dhe personalitete të ndryshme të klubit i janë afruar makinës që i priste jashtë stadiumit, një tifoz i ka bërtitur Laportës vazhdimisht “hajdut, më shumë se hajdut”, gjë që presidenti iu përgjigj duke e quajtur “bir k*rve”.
Njerëzit e afërt i kërkuan Laportës që të mos binte në provokime. Presidenti u përpoq të mos e trazonte më situatën dhe pasi bëri disa ‘selfie’ me fansat e tjerë, përfundoi duke hipur në makinë dhe duke u larguar nga ambientet e Osasuna./K.T/Gijotina.com
Discussion about this post