Rruga e “ Arbrit” ka nxjerrë blof qeverinë, pasi ndryshe nga se u premtua ajo nuk është akoma funksionale dhe qindra makina kanë mbetur të bllokuara atyre dhe me vështirësi kthehen mbrapsht. Në tetor kryeministri Edi Rama u mburr me këtë projekte, duke thënë se punimet janë në përfundim dhe kjo rrugë do t’iu bëhet dhuratë qytetarëve për festat e nëntorit, pasi nga 28 nëntori aksi do të bëhet i kalueshëm.
‘Në festat e nëntorit do të hapet Rruga e Arbrit me të vetmin problem që në Qafën e Murrizit që ka krijuar vonesa, gjitha pjesa tjetër është gati”, u shpreh asaj kohe kryeministri. Madje ai filloi edhe të tallej e ironizonte kryedemokratin Lulzim Basha, duke thënë se me këtë projekte nuk do të ketë probleme si me rrugën e Elbasanit. “Jo si në tunelin e Elbasanit, që pasi i ratë daulles bashkë me “llumin” sikur thua ti, jo unë, u deshën kushedi sa para për t’u marrë me rrëshqitjet” tha Edi Rama.
Por, festat erdhën, sot data është 28 nëntor dhe rruga e Arbrit jo vetëm që nuk është funksionale, por duke besuar gënjeshtrën e kryeministrit me qindra udhëtarë kanë tentuar të kalojnë nga ky aks po më kot. Mbi 200 automjete janë bllokuar atje pa mundur të vazhdojnë udhëtimin. Disa drejtues mjetesh kanë dalë në korsinë tjetër, çka e ka bërë të pamundur edhe kthimin mbrapsht.
Policia ka shkuar në vendngjarje, por për momentin akoma nuk ka një zgjidhje. Koha e keqe me shi ka vënë në vështirësi disa udhëtarë, të cilët kanë edhe fëmijë me vete. Pra, dhuratë e Ramës për festat e nëntorit ishte vënia në rrezik e jetës, në një rrugë që është jashtë funksioni dhe që çdo vit koncesionari i saj merr miliona lekë nga xhepat e taksapaguesve.
Vazhdojnë zvarritjet
Siç e theksuam edhe më lartë, projekti rrugës së “Arbit” që prej fillimit është shoqëruar me skandale, shkelje dhe abuzime të hapura. Pasi, përveç se la të bllokuar qindra qytetarë, kjo rrugë përsëri është jashtë afateve të vendosura në fillim për hapjen e saj dhe zvarritjet duket se do vazhdojnë. Në vitin 2017-të, kur rruga u dha me koncesion, parashikohej që kompania ta përfundonte plotësisht brenda 46 muajve. Sipas llogaritjes, rruga duhej të ishte përfunduar e plotë këtë vit. Ndërkohë që rruga këtë vit nuk do të hapet e plotë, pasi tuneli i Murrizit akoma nuk ka përfunduar dhe sipas menaxherit të projektit, ajo do të jetë e aksesueshme vetëm në 80%-in e saj. Pra, është shkelur afati i përfundimit të saj. Ky është një rast tjetër ku qeveria do të bëjë propagandën e zakonshme me një investim akoma të papërfunduar.
Discussion about this post