Drejtori i Përgjithshëm i Policisë së Shtetit, Muhamet Rrumbullaku, në vend të merret me çështjet kriminale që po shtohen frikshëm dhe rrisin pasigurinë, e ka mendjen me pushime. Me datë 30 janar ai ka regjistruar një tender në Agjencinë e Prokurimeve Publike. Me të cilin do t’u blejë policëve Jet-ski, mjete lundruese për ata që do të punojnë për sigurinë në plazhe. Bëhet fjalë për tenderin me numrin e referencës REF-56509-01-20-2023 dhe objekt konkret “Blerje mjete lundruese Jet-Ski dhe karela rimorkimi”. Kontratë cila do të zgjasë 2 muaj. Pra deri në fillim të prillit Policia e Shtetit duhet të jetë e pajisur me Jet-Skitë e kërkuara.
Sipas dokumenteve, me këto para do të 35 mjete lundruese “Jet Sky”, të cilat do të jenë në shërbim të Njësisë Policore Detare. Gjithashtu, do të blihen edhe 20 karela për tërheqjen e “Jet Ski-ve”. Çdo vit Polciia e Shtetit ka zhvilluar tender për Jet-ski ndërsa mësohet se këto mjete do të jenë për minimumi 2 vetë. Kapaciteti i peshës minimumi 180 kilogramë, ndërsa gjatësia në parakolp do të jetë 330 centimetra dhe me gjerësi 120 centimetra.
Këto paisje do të përdoren vetëm 90 ditë në vit dhe çdo 20 ditë do të duan shërbime ekstra për mirëmbajtje. Pra, duket se kosto reale do të kalojë shifrën prej 762 milionë lekësh.
Sa të sigurta janë
Ndërkohë ajo që vëmë re në këtë tender, është edhe rregullat përdorimin e tyre dhe praktikat për të mësuar policët t’i drejtojnë ato. Pasi, sikur e dimë këto mjete lundruese janë burim aksidentesh në sezonin veror dhe nuk dihet sa të sigurt duhet të ndihem kur drejtohen nga policët e pa trajnuar për to. Pasi jo më larg se në sezonin e kaluar jemi përballur me fatkeqësi të shkaktuar nga një motor uji që drejtohej nga një oficer policie.
Përmendim këtu rastin e tmerrshëm, ku një punonjës polici i mori jetën në mënyrë makabre engjëllit 7 vjeçar. Arjan Tase masakroi me një mjet lundrues Jonadën. Ngjarja shkaktoi zemëratë të pamasë, teksa autori ishte personi i cili duhej të vendoste rregull. Madje, me uniformë dhe armë policore.
Epo, çudia më e madhe tre ditë zgjat për Rrumbullakun. E ka harruar të tragjedi dhe e pa e vrarë mendjen fare derdh milionat për mjete lundruese. Dhe do ti lërë ato në dorën e oficerëve që na rrezikojnë jetën.
Lexo edhe:Shumë ngjarje të pazbardhura, Rrumbullaku takim pune në Itali
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post