Rusia ka nisur evakuimin e ambasadës së saj në kryeqytetin ukrainas, Kiev. Sipas agjencisë shtetërore të lajmeve, Rusia i liroi të gjithë nga postet e saj diplomatike në Ukrainë pas shpalljes së një plani për evakuim. Pasditen e ditës së sotme, flamuri rus nuk është më i valëvitur mbi ambasadën e Kievit dhe policia ka rrethuar ndërtesën.
Pas disa javësh përpjekje për të krijuar qetësi, autoritetet ukrainase sinjalizuan shqetësim në rritje. Ministria e Jashtme ka rekomanduar të gjithë ukrainasit që jetojnë në Rusi të kthehen, duke thënë se “agresioni” i Moskës mund të çojë në një reduktim të ndjeshëm të shërbimeve konsullore.
Shefi i Këshillit të Sigurisë Kombëtare dhe Mbrojtjes së Ukrainës, Oleksiy Danilov , bëri thirrje për një gjendje të jashtëzakonshme kombëtare, subjekt i miratimit parlamentar.
Gjithashtu, ai tha se do të jetë në dorën e autoriteteve rajonale të përcaktojnë se cilat masa do të zbatohen, por ato mund të përfshijnë siguri shtesë në objektet publike, kufizime trafiku dhe kontrolle shtesë të transportit dhe dokumenteve.
Së fundmi, një valë sulmesh të mohimit të shërbimit rrëzuan përkohësisht faqet e internetit të parlamentit, kabinetit dhe ministrisë së jashtme të Ukrainës dhe shkaktuan vonesa në faqet e internetit të mbrojtjes dhe të ministrisë së brendshme. Shumë nga të njëjtat faqe u hoqën jashtë linje javën e kaluar, në sulme për të cilat SHBA dhe Britania e Madhe fajësuan GRU-në, inteligjencën ushtarake ruse.
Discussion about this post