Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell ka deklaruar se nuk ka ende një datë për integrimin e Shqipërisë në BE, duke treguar se nuk është shqetësuar aspak për kritikat e kryeministrit Rama.
Në fjalën e tij Borrell tha se integrimi i Shqipërisë në BE nuk varet nga ai personalisht, megjithëse shtoi se do të ketë mbështetjen e tij deri në fund të rrugëtimit.
“Sot Shqipëria e ka treguar qartë që është një nga partnerët më të besueshëm në botë. Shqipëria ka rikonfirmuar përkushtimin e saj për sigurinë kombëtare. E falenderoj për punën e bërë si anëtare Këshillit të Sigurimit të OKB, solli dhe dënimin e fortë që iu bë Rusisë. Shqipëria është aleate e NATO-s, unë u jam shumë mirënjohës, është një kontribut shumë i rëndësishëm dhe ne mendojmë se do të vijojë më tej. Unë propozoj që të përcaktohen burime të reja për të rritur sigurinë në rajon. Ka ardhur koha që të rigjallërohet procesi i zgjerimit, edhe ju vetë zoti Kryeministër keni thënë se nuk duhen më deklarata por vepra. Ka ardhur koha që Ballkani Perëndimor të integrohet në mënyrë të pakthyeshme në BE. E mbështes punën e bërë dhe çeljen e negociatave gjatë presidencës franceze. Nuk ka datë të caktuar, por është në horizont, sigurisht edhe për Maqedoninë e Veriut. Të gjithë institucionet e kanë kuptuar fare mirë se sot më shumë se kurrë ne duhet t’ju mbështesim, kjo duhet përmbushur brenda presidencës franceze. Kjo nuk varet personalisht prej meje, por nga shumë gjëra të tjera. Dua t’ju përgëzoj për reformat tuaja, ligjin e shtetin e së drejtës. Me këto vepra të ndërmarra, do të kemi avancime”, tha Borrell.
Discussion about this post