Gara për presidentit e Federatës Shqiptare të Futbollit është duke u afruar dhe duket se ka nga ata që bëjnë gjithçka për të fituar vëmendje dhe mbështetje.
Ish-komentatori i ndeshjeve të futbollit, Dritan Shakohoxha la profesionin e tij të shumë viteve, pra e të qenurit afër tifozëve shqiptar për të garuar për postin më të rëndësishëm në FSHF.
Duket se dëshira për këtë pozicion është aq e madhe për Shakohoxhën sa ka filluar edhe servilizmin te Kryetari i Bashkisë, Erion Veliaj, të cilin si duket e sheh si një mënyrë për të arritur qëllimin e tij.
Së fundmi, Dritan Shakohoxha ka zgjedhur të kalojë kohë ‘produktive’ me Veliajn, duke shijuar pak kohë të dy së bashku në kinema.
Ai ka publikuar një foto në rrjetet sociale ku shfaqet shumë i lumtur krah lalit dhe krahas saj shkruan: “Na kish marrë malli për kinema Erion Veliaj…tani të gjithë me sytë e zemër nga stadiumi”.
Është absurde të shohësh se në një kohë kur Kombëtarja luan ndeshje shumë të rëndësishme siç janë kualifikueset historike të Botërorit, një kandidat për President të federatës shkon në kinema për të parë filma.
Duket se Shakohoxha mendon se gara për kreun e FSHF-së fitohet duke parë filma me Veliajn, por dikush duhet t’i tregojë se gabohet, pasi në këtë rast nuk bën punë servilizmi, por projektet serioze që do mund të ndihmonin futbollin në vendin tonë.
