Shtetet e Bashkuara përmes Agjencisë së Shteteve të Bashkuara për Zhvillim Ndërkombëtar (USAID) paralajmëruan se do të akoordojnë një fond ndihmë për Kosovën në vlerë 2.5 milionë dollarë për të ndihmuar luftën ndaj Covid-19.
Ky fond urgjent ka si synim suportin e shtetit të Kosovës në fushatën e vaksinimit masiv kundër COVID-19 dhe do të forcojë sistemin shëndetësor në tërësi.
Drejtoresha e Misionit USAID në Kosovë, Zeinah Salahi, u shpreh se nuk janë vaksinat ato që do të ndalojnë virusin, por vaksinimi duke i kërkuar kështu qytetraëve kosovarë që të vaksinohen në mënyr që të të mbrohen dhe të mbrojnë të tjerët nga infektimi.
Kjo ndihmë shtesë, e cila do të implementohet përmes UNICEF-it, ndërton mbi bazën e më shumë se 2.6 milionë dollarë ndihmë për COVID-19 dhuruar Kosovës përmes USAID-it gjatë pandemisë.
Vitin e kaluar, USAID-i shpërndau 249 komplete higjienike në qendrat shëndetësore, 7.750 komplete higjienike për familjet dhe 2,400 pako higjienike për nënat dhe foshnjat në të gjitha 38 komunat e Kosovës. Me fillimin e vitit shkollor, USAID-i gjithashtu u dhuroi komplete higjienike 660 shkollave fillore dhe të mesme.
Krahas kësaj, Shtetet e Bashkuara dhuruan 50 respiratorë të ri dhe të papërdorur si pjesë e një pakoje mbështetëse që përfshinte pajisje shoqëruese të respiratorëve, instalimin, garancitë, planet e servisimit dhe uebinare online.
Shtetet e Bashkuara dërguan pajisje laboratorike të testimit dhe skanerë termik për vendosje në terminalet hyrëse të vendkalimeve kufitare të Kosovës, përfshirë aeroportin e Prishtinës dhe katër vendkalime kufitare tokësore.
Së fundi, USAID-i paralajmëroi një partneritet në vlerë prej 1 milion dollarësh amerikan me Zyrën e UNICEF-it në Kosovë në mbështetje të përpjekjeve që po bëhen në informim publik në Kosovë lidhur me parandalimin dhe vaksinimin kundër COVID-19, dhe në emër të Qeverisë së SHBA-së lehtësoi shpërndarjen e 538,200 dozave të vaksinës Pfizer.
Qeveria e SHBA-së, përmes USAID-it, ka investuar mbi 10 milionë dollarë në ndihmë shëndetësore Kosovës gjatë 20 vjetëve të kaluara.
Discussion about this post