Në debatet e Komisionit të Ekonomisë për buxhetin e Shëndetësisë është përfshirë edhe kreu i LZHK-së, Dashamir Shehi. Duke iu drejtuar ministres së Shëndetësisë Ogerta Manastirliu, ai tha se e gjithë energjia dhe buxheti duhet të përqendrohen te menaxhimi i pandemisë dhe jo te investime pa fund.
Sipas Shehit, këto planet me shtimin e numrit të ambulancave apo rikonstruksionin e qendrave shëndetësore janë sa për të kaluar radhën dhe për të justifikuar paratë. Mes ironie ai tha e me këto hapa që ecin investimet në vendin tonë riparimet e qendrave shëndetësore nuk do përfundojnë kurrë.
“Kështu që kjo lloj historie me riparim e ambulanca, mund të na hutoni sa të duash ne këtu, por rezultantja e asaj shëndetësisë është atje përjashta. Unë them që 90% e energjisë së shëndetësisë për këtë vit duhet t’u drejtohet kësaj fushe, ato që po bëni uroj të jenë me gjithë mend si thoni ju, por nuk është e besoj shumë. Nëse s’i dilet përballë kësaj pune gjithë ai muhabeti jo riparimi i 6-katëshit te QSUT do ju them një barcaletë, kur mbaronte me u riparuar kati i gjashtë, ishte bërë për t’u riparuar kati i parë i gjashtë katëshit, e kupton ti? I gjithë ky diskutim është çështje parash, paraja ka për të qene gjithmonë hall i madh se paratë kaq janë këtu. Halli më i madh që ka shëndetësia jonë për këtë vit ishalla jo edhe për një vit është pandemia”, tha Shehi. Nga ana re mazhorancës ka pasur shumë kritika sot në lidhje me buxhetin për këtë sektor, sipas tyre paratë shkojnë për koncesione dhe jo për investim te qytetarët. E.H/ gijotina.com/
Discussion about this post