Një ngjarje shqetësuese raportohet se ka ndodhur në qytetin e Durrësit mbrëmjen e së enjtes, kur copa të mëdha suvaje u shkëputën nga një pallat banimi 22-katësh, i cili ndodhet përballë portit.
Sipas banorëve, 10 katet e sipërme të ndërtesës janë të papërfunduara dhe të pambuluara nga firma ndërtuese, gjë që rrit ndjeshëm rrezikun për ata që jetojnë aty dhe për qytetarët përreth.
Si pasojë e rënies së suvasë, u dëmtua një automjet i parkuar poshtë hyrjes së pallatit dhe duke shkaktuar dëme të konsiderueshme.
Banorët e pallatit janë në panik pasi rreziku për jetën është prezent çdo ditë, duke qenë se katet që janë ende të papërfunduara janë në gjendje të amortizuar.
Banorët e zonës kërkojnë ndërhyrje të menjëhershme nga autoritetet përkatëse, duke theksuar nevojën për inspektime të rregullta dhe restaurime të domosdoshme, në mënyrë që të shmangen ngjarje të tilla që mund të rrezikojnë jetën e njerëzve.
Discussion about this post