“Shmangni tragjedinë”, banorët e Porto Romanos sërish thirrje për heqjen e depozitave të gazi

Disa shpërthime të bombolave të gazit kanë terrorizuar banorët e Porto Romanos në Durrës para disa ditësh. Dhjetëra familje që ndodhen pranë fabrikës, braktisën banesat.

Ndërkaq banorët e Porto Romanos kanë protestuar përsëri në lidhje me depozitat e gazit.

Banorët kërkojnë të merren masa dhe të shmanget një tragjedi e mundshme, pasi siç shprehen ata, nëse ndodh përsëri një incident si ai i disa ditëve më parë, e gjithë zona do të shuhet nga shpërthimi.

Kërkesa e vetme e tyre është që firma që ka instaluar depozitat e gazit, të largohet nga ai vend.

Dy javë më parë në këtë vend shpërtheu një zjarr gjatë procesit për mbushjen e bombolave të gazit të përmasave të ndryshme.

Zjarri u vu shumë shpejt nën kontroll, duke shmangur një katastrofë të mundshme.