Një bombol gazi ka shpërthyer në një banesë në Shijak. Burime nga policia për gijotina.com bëjnë me dije se ngjarja ka ndodhur pasditen e sotme rreth orës 15:30.
Po ashtu policia jep detaje, se si pasojë e shpërthimit, është lënduar personi i identifikuar me iniciale R. B., 68 vjeç, banues në Shijak, i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
Pritet të zbardhen detaje pas marrjes në pyetje të të plagosurit, ndërsa paraprakisht ngjarja dyshohet të ketë ndodhur nga pakujdesia.
Discussion about this post