Një shpërthim më eksploziv ndodhi mbrëmjen e të premtes në Fushë Krujë, ku lënda shpërthyese ishte vendosur në derën e dyqanit të Naim Stafukës, vëllait të Enver Stafukës, i cili rezulton i zhdukur që prej vitit 2015, kur u rrëmbye në qendër të Fushë Krujës nga 4 persona.
Mësohet se policia ka sekuestruar kamerat e sigurisë për të zbuluar identitetin e autorëve apo se sa persona ishin. Në vendin e ngjarjes ka shkuar edhe drejtori i policisë së Durrësit në Krujë. Vetë Stafuka e ka dhënë dëshminë për ngjarjen që mbrëmjen e kaluar por ende nuk ka detaje se çfarë ka thënë. Nga ngjarja nuk raportohet për persona të lënduar, por vetëm dëme materiale.
Naim Stafuka është vëllai i Enver Stafukës, ky i fundit rezulton prej vitesh i zhdukur dhe ende nuk ka asnjë informacion për fatin e tij. Enver Stafuka është bërë i njohur për autoritetet për shkak të një ngjarje të vitit 2013 ku ai u akuzua bashkë me Gentjan Bejtjan vodhën makinën e përdorur në vrasjen e krye komisar Dritan Lamaj, ngjarje kjo e ndodhur në vitin 2013.
Kujtojmë se pak ditë më parë Gentja Bejtja mbeti i plagosur pas një atentati të bërë ndaj tij në afërsi të Niklës. Atij ju bë atentat nga persona të panjohur dhe në makinë me të ishte edhe Klodjan Stafuka. Kjo ngjarje mbetet ende e pazbardhur.
Discussion about this post