Policia Kufitare i ka shkuar në ndihmë një shtetasi së bashku me dy fëmijët e tij, të cilët kishin humbur kontaktet, ndërsa kishin dalë në liqenin e Pogradecit me kanoe.
Menjëherë shërbimet e Njësisë Policore me Jet Ski, dolën në liqen, ku bënë të mundur lokalizimin e kanoes me tre shtetasit larg perimetrit të sigurisë, dhe siguruan kthimin në breg të tyre pa probleme.
“Policia Kufitare dhe Njësia Policore Detare i shkuan në ndihmë një shtetasi dhe dy fëmijve të tij të mitur, që kishin dalë në liqen me një mjet lundrues kanoe.
Rreth orës 12:45, në sallën operative të Komisariatit të Policisë Pogradec, ka mbërritur një telefonatë, ku një shtetase kërkonte ndihmë, pasi bashkëshorti i saj shtetasi Gj. R., së bashku me dy fëmijët e tyre të mitur, kishin dalë në liqen me një mjet lundrues kanoe, dhe kishin humbur kontaktet.
Menjëherë shërbimet e Njësisë Policore Detare me Jet Ski, dolën në liqen, ku bënë të mundur lokalizimin e kanoes me tre shtetasit larg perimetrit të sigurisë, dhe siguruan kthimin në breg të tyre pa probleme”, njofton policia.
gijotina.com/
Discussion about this post