Mbrojtësi i Milanit, Simon Kjaer foli për përvojën e tij me Danimarkën në ‘Euro 2020’ dhe theksoi se ai “nuk është një hero” për shkak se ndihmoi Christian Eriksen, i cili u rrëzua prej një ataku në zemër në ndeshjen kundër Finlandës.
‘Unë thjesht bëra atë që duhej të bëja’.- u shpreh kapiteni i Danimarkës.
Ai foli për përvojën në stadiumin Parken në Kopenhagen, kur mesfushori i Interit, Eriksen pësoi një arrest kardiak në minutat e fundit të pjesës së parë.
Kjaer u vlerësua për veprimet e tij vendimtare për të ndihmuar shokun e tij të skuadrës, ndërsa më parë tha se ishte një tronditje që do të jetë pjesë e tij përgjithmonë.
Në një intervistë me ‘Corriere della Sera’, qendërmbrojtësi i Milan pretendoi se veprimet e tij nuk ishin heroike, por të nevojshme në atë moment.
“Unë nuk jam hero, thjesht bëra atë që duhej të bëja, pa menduar, si do bënte edhe dikush tjetër. Kjo është e gjitha. E vetmja gjë që ka rëndësi është që Christiani është mirë tani. Kjo është e vetmja gjë e rëndësishme. E bëra pa menduar.”-tha Kjaer për gazetën./Gijotina.com
