Qeveria shqiptarë nënshkroi një marrëveshje me kompaninë turke Baykar Technologies, e cila prodhon dronët Bayraktar. Protothema shkruan se i pranishëm ishte dhe kryeministri Edi Rama, që mori pjesë në ceremoni për të shprehur falenderimet e tij të ngrohta për presidentin e Turqisë, Recep Tayyip Erdogan.
“Faleminderit nuk mjafton për mikun tim Erdogan”, tha Edi Rama në urimin e tij, duke nënvizuar gjithashtu faktin se “jemi krenarë që jemi në të njëjtën anë dhe partnerë strategjikë me Turqinë”.
“Sot është një ditë e mirë për marrëdhëniet tona me Turqinë, forcat tona të armatosura dhe ministritë e mbrojtjes”, shtoi Rama, i cili vuri në dukje se roli i Erdoganit në nënshkrimin e marrëveshjes së blerjes së dronëve “ishte vendimtar”.
Duke vazhduar fjalët e ngrohta për Ankaranë, Rama shtoi se “marrëdhëniet e Shqipërisë me Turqinë po përmirësohen dhe janë në maksimumin e tyre sot”.
Siç tha ai, Shqipëria jo vetëm që bleu teknologjinë më të mirë, por marrëveshja parashikon edhe trajnimin e tridhjetë personave. Sipas tij, baza e dronëve do të jetë në Kuçovë, duke sqaruar se dronët “do të jenë gati për çdo projekt (do të thotë edhe luftë). Shpresojmë që kjo të mos ndodhë kurrë, por jetojmë në kohë të pasigurta. Ato mund të përdoren për të kundërshtuar çdo kërcënim kombëtar”. Rama shtoi gjithashtu se dronët turq mund të përdoren edhe për qëllime të mbrojtjes civile.
Discussion about this post