Propaganda në mediat ndërkombëtare për pranimin dhe strehimin e afganëve në Shqipëri ka tejkaluar pritshmëritë e kujtdo. Në intervistën e fundit që kreu i qeverisë Edi Rama dha mbrëm për CNN nuk i ka kursyer kritikat për vendet anëtare të NATO-s, por nga ana tjetër ka folur me detaje se kush janë afganët që do të vijnë në Shqipëri.
“Duke parë listën që kemi marrë, emrat e njerëzve, profilet e tyre mund të shihja artistë, gazetarë, kineastë, yje filmash, apo fytyra që ndoshta i kemi njohur përmes netflix, filmave. Si mund t’i lëmë këta njerëz në baltë?! Si mund t’ua mbyllim përgjithnjë dritaren e krijimtarinë dhe ëndrrave dhe shpresave. Duke iu thënë që në 5 vitet që vijnë do përpiqemi t’ju nxjerrim prej andej ndërkohe që për ta ka një litar të errët për të përgatitur për të varur ëndrrat, shpresat dhe ata vetë”, tha ai.
Ndonëse gazetarja insistoi në shifrat konkrete të popullsisë së Shqipërisë, dhe gjendjes ekonomike, Rama u shpreh i prerë se afganët mund të qëndrojnë përgjithmonë në Shqipëri.
