Shqiptarja Irena Stainova, që jeton në Izrael theksoi se shumë persona janë vrarë e rrëmbyer. Në një lidhje të drejtpërdrejt për emisionin “Good Morning Albanians”, ajo theksoi se ditën e djeshme kanë gjetur trupat e një familje të vrarë.
“40 bebe janë vrarë. Janë shuar disa familje. Dje kanë arritur të gjejnë trupat e një familje dhe kanë arritur të bëjnë varrimin e tyre. Janë shuar disa familje. Prindër të rinj me fëmijë të vegjël. Është dhe një grua 70-vjeçe e mbijetuar e Holokaustit. Asaj i morën 8 anëtarët e familje së saj. Njëra prej familjarëve është kandidatë për çmimin NOBEL”, tha ajo.
Ndërkohë rreth 500 palestinezë u vranë nga një sulm ajror në një spital të Gazës të mbushur me pacientë dhe njerëz të zhvendosur për shkak të bombardimeve.
Kryeministri palestinez e quajti atë “një krim të tmerrshëm, gjenocidi nga Izraeli” dhe tha se edhe vendet që mbështesin atë duhet të mbajnë përgjegjësi. Në krahun tjetër ushtria izraelite tha se nuk kishte asnjë detaj në lidhje me këtë bombardim, por po kryente hetime.
Sulmi ndaj spitalit në Gaza, dëshmitë tronditëse të mjekëve
Discussion about this post