Një 21-vjeçar ka shkaktuar tragjedi në Serbi, duke vrarë 8 persona e plagosur shumë të tjerë, një ditë pasi një ngjarje e ngjashme ndodhi 24 orë më herët. Sipas banorëve të zonës, djali dje ka mbajtur mësimin fetar dhe sipas dëshmive dukej se ishte në humor të mirë. Një nga banorët e zonës ka përshkruar skenën e tmerrshme që ka ndodhur, Kurir.rs.
“Shtrihu, do t’ju vras të gjithëve!”, tha autori në festën e Shën Gjergjit,- u shpreh dëshmitari.
“Kur tha “do t’ju vras të gjithëve” djemtë menduan se ishte shaka dhe i thanë: “Eja tek ne për një birrë dhe rrimë”, por më pas ai parkoi makinën, nxori kallashnikovin dhe filloi të qëllonte,”-shpjegon banori.
Ndërkohë mësohet se varrimi i viktimave në fshatin Malo Orasje, do të zhvillohet nesër në orën 14:00.
Ç’po ndodh në Serbi?
I dyshuari për vrasje është parë në Shepshin, ku ka shtënë në drejtim të policisë, ndërsa njësitet speciale janë duke kontrolluar të gjitha objektet e dyshimta. Ai dyshohet se ka vrarë të paktën tetë persona dhe ka plagosur 13 në të shtënat që ndodhën në Mlladenoc dhe rrethinat.
Uros B. dyshohet se ka shkuar në shtëpi, ka marrë një kallashnikov dhe ka qëlluar mbi njerëzit pas një debati me shokët e tij në oborrin e shkollës në qytetin e Dubonës rreth orës 23:00. Pasi ka plagosur një numër të madh personash, ai ka hipur në një makinë dhe ka nisur një vrasje të përgjakshme në zonat përreth.
Discussion about this post