Shtrirë pranë makinës, pamjet nga vendi ku vdiq i riu në Cërrik

Këto janë pamjet nga vendi ku 27- vjeçari Erjon Rexhepi humbi sot jetën pasi një sasi tritoli i shpërtheu në dorë.

Siç shihet edhe nga pamjet e siguruara nga gijotina.com trupi i pajetë i të riut është pranë një makine, në hyrje të banesës së tij.

Ngjarja e rëndë është shënuar rreth orës 12:15, në aksin rrugor Elbasan-Belsh, në vendin e quajtur “Kryqëzimi i lagjes nr. 3”, Cërrik.

Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes.

Sakaq nuk dihet ende nëse kemi të bëjmë më një atentat apo ngjarje aksidentale.