Deputeti Tritan Shehu, ka komentuar zgjedhjet e pjesshme të 6 marsit ku PD humbi pësoi një humbje të thellë, ndërsa “Shtëpia e Lirisë” mori Shkodrën. Shehu tha se i ka parë pozitive zgjedhjet e marsit, duke thënë se tashmë është e qartë se kush është opozita e vërtetë.
“PD po kalon momente të vështira, por këto momente të vështira janë duke u zbutur, situata është duke u qartësuar. Problemet janë duke u zvogëluar. Është e qartë për të gjithë kush është PD, kush është opozita e vërtetë. Unë them se jemi në një moment pozitiv ngritje të PD. Për të shkuar përpara të gjithë së bashku drejt asaj që duhet bërë, padyshim një bashkimi të plotë të PD. Një hapje të plotë të PD, zgjerimit të partisë për t’u përballur me regjimin. Unë e konsideroj një moment pozitiv zhvillimin e 6 marsit, qoftë me planin e përballjes së regjimin, dhe veçanërisht në sqarimin se kush është PD dhe opozita e vërtetë”, u shpreh Shehu.
Ndër të tjera ai tha se tashmë është momenti që PD të bashkohet, në mënyrë që të mposhtin regjimin e Edi Ramës.
“Duhet të bashkohemi me të gjithë demokratët që kanë shkuar në derën e gabuar, në derën e patericës së regjimit. Padyshim do kthehen përsëri në shtratin demokrat opozitar të vërtetë të PD, që doli në zgjedhje si “Shtëpia e Lirisë”. Ky regjim për t’u përballur ka nevojë për një koalicion”, përfundoi deputeti.
Discussion about this post