E ardhmja e Paulo Dybala me shumë mundësi do të jetë larg Juventusit, pasi takimi për rinovimin e kontratës mes palëve që u zhvillua ditën e sotme nuk është arritur një marrëveshje mes tyre.
Pavel Nedved dhe bordi i Juventusit kanë pasur një takim me agjentin e argjentinasit, Jorge Antun. Sipas “Sky Sport Italia” raporton se takimi mes palëve ka përfunduar, me argjentinasin që nuk ka pranuar të zgjasë kontratën me “Zonjën e Vjetër”.
Bardhezinjtë i kanë ofruar Dybalas 7 milionë euro në sezon, ndërkohë vetë argjentinasi kërkonte 8 milion euro plus 2 milion të tjera bonuse.
Në të tilla kushte, largimi i sulmuesit argjentinas nga Juventusi është i pashmangshëm gjatë merkatës së verës, ku “Zonja e Vjetër” do e humbë lojtarin e saj me parametra zero. /gijotina.com
Discussion about this post