Skandali i kartelit “Sinaloa”, gazetari: Emri i Luftar Hysës është edhe te “Panama Papers”

Gazetari i kronikës Dashamir Biçaku për emisionin “Breaking” në Top News ka zbuluar detaje të reja nga skandali i pastrimit të parave në Meksikë i ashtuquajtur “SINALOA” ku u zbulua aleanca me mafian shqiptare, dhe u publikuan emrat e 4 vëllezërve Hysi.

Gazetari fillimisht shprehet se ky është një alarm për organet ligjzabtuese përfshirë këtu edhe prokurorinë e Posaçme.

“Për të ilustruar me një shembull konkret është ajo që është publikuar nga mediat meksikane lajme të cilat u reflektuan në mediat shqiptare. Duhet thënë se ishte një personazh i identifikuar prej tyre i cili sipas mediave meksikane është përfshirë në një aktivitet të pastrimit të parave nëpërmjet kazinove në Shqipëri.  Pa paragjykuar nëse ai është i përfshirë në pastrimin e parave ose jo sepse është një alert ose një alarm për organet ligjzbateuse për byronë kombëtare të hetimit për agjencinë e pastrimit të parave për prokurorinë e Posaçme të cilët dhe të marrin të gjitha rastet e parave që vijnë nga vendet e Amerikës Latine”, tha Biçaku.

Ndërsa u shpreh se nga burimet e tij emri i biznesmenit Luftar Hysa është zbuluar edhe tek skandali i pastrimit të parave “Panama Papers”. Gazetari tregon se Hysa ka të regjistruara disa kompani fiskale dhe kazino në Polloni, në Kanada dhe në vende të tjera.

“Duhet theksuar se emri i zotit Hysaj është identifikuar edhe nga skandali i “Panama Papers” duke e identifikuar si personazh i cili ka të regjistruara disa kompani në parajsat fiskale poashtu ka edhe kompani të regjistruara të kazinove në Polloni në Kanada por edhe në vendet të tjera ë cilat unë nuk marr përsipër të them se bën aktivitet të pastrimit të parave apo jo sepse nuk më takon mua ta them ose jo”, tha gazetari.

Biçaku u shpreh se ky rast dhe shumë të tjera janë një indicie për të gjitha agjencitë ligjzbatuese për të mos i shmangur dhe për të çuar para drejtësisë personazhet e implikuar në këto vepra penale, të pastrimit të parave dhe krimit të organizuar.

“Ky rast është një indicie për të gjitha agjencitë ligjzbatuese qoftë të pastrimit të parave byronë kombëtarë të policisë së shtetit qoftë edhe shërbimi informativ shtetëror kanë të drejtën të grumbullojnë informacione fakte që çojnë në drejtësi personazhe të tillë, të pastrimet të parave të krimit të organizuar”, tha Biçaku.