Shqipëria është shumë pranë Euro2024 që zhvillohet në Gjermani verën e ardhshme. Ndeshja kundër Çekisë është një ndër më të rëndësishmet që kombëtarja jonë ka zhvilluar ndonjëherë në “Air Albania”.
Një fitore e mundshme do të na favorizonte për të marrë vendin e parë në grup, por edhe barazimi do të ishte i kënaqshëm për Shqipërinë, ndoshta edhe për vetë Çekinë.
Këta janë të gjitha skenaret e kualifikimit për në Euro2024 të të gjitha ekipeve të grupit E ku bën pjesë edhe Shqipëria.
Rënditja:
Shqipëri 10 pikë
Çeki 8 pikë
Moldavi 8 pikë
Poloni 6 pikë
Faroe 1 pikë.
Shqipëria do të përballet në ndeshjet e ardhshme me Çekinë në “Air Albania”, Moldavinë në transfertë dhe Ishujt Faroe në “Air Albania”.
Çekia: Shqipëri (jashtë), Ishujt (brenda), Poloni (jashtë), Moldavi (brenda)
Moldavia: Poloni (jashtë), Shqipëri (brenda), Çeki (jashtë)
Polonia : Faroe (Jashtë), Moldavi dhe Çeki brenda.
Faroe: Poloni (brenda), Çeki dhe Shqipëri jashtë.
Shqipëria:
Humbje me Çekinë:
Në rast humbje me Çekinë në dy ndeshjet e ardhshme ndaj Moldavisë dhe Ishujve duhet të arrijmë 2 fitore dhe jemi automatikisht në Europian me 16 pikë.
Barazim me Çekinë:
Barazimi në ndeshjen e datës 12 do na jepte luksin që me Moldavinë dhe Faroet të luanim për 4 pikë, pra fitore dhe barazim dhe nuk jemi të varur nga rezultatet e ndeshjeve të tjera.
Fitorja me Çekinë:
Fitorja me Çekinë na jep luksin që në ndeshjen me Moldavinë dhe Faroet të lujmë vetëm për 1 fitore në dy ndeshjet e ardhshme ose 2 barazime.
Çekia me humbje nëShqipëri rrezikon shumë, pasi në rast se Polonia arrin që t’i fitojë të gjitha ndeshjet e saj, mund t’i marrë vendin e dytë pasi ka 6 pikë dhe me 3 ndeshje shkon në 15 ndërsa Çeku mbetet me 14 pikë duke marrë të mirqenë se edhe ajo i fiton ndeshjet e saj.
Në rast barzimi me Shqipërinë dhe bashkë me Poloninë i fitojnë takimet e tjera në ndeshjen e fundit Çekia nuk duhet të humbasë me goleadë pasi ka fituar 3-1 në takimin e parë.
Në rast humbjeje me goleadë ata do e shikonin veten jashtë Euro2024 ku do e mbyllin me 15 pikë, po aq sa edhe Polonia.
Polonia nuk ka asnjë shpresë tjetër në letër veçse t’i fitojë të gjitha ndeshjet e saj dhe kryqzon gishtat për fitoren e Shqipërisë ndaj Çekisë.
Ndërkohë Moldavia e cila mund të cilësohet suprizë deri më tani, ka më pak shance se të gjithë pasi ka ndeshje me Poloni, Çeki dhe Shqipëri dhe me 8 pikë që ka aktualisht i duhen të paktën 7 pikë që të kualifikohet për mëtej.
Ishujt Faroe janë jashtë gare dhe nuk kanë asnjë llojë shprese./Ariglon Pali/Gijotina.com/
Discussion about this post