Inter dhe Milan pritet të shpallin projektin për stadiumin e tyre të ri, i cili do të konceptohet nga i njëjti grup që ka projektuar stadiumin e Tottenham Hotspur.
Sipas ‘La Gazzetta dello Sport’, skuadrat milaneze do të shpallin projektin për stadiumin e tyre të ri brenda 24-48 orëve të ardhshme.
Ka pasur disa takime midis dy klubeve dhe këshillit të qytetit të Milanos gjatë ditëve të fundit, me Milan dhe Inter që zgjodhën Populous si projektues për shtëpinë e tyre të re.
Ata janë e njëjta firmë e projektimit arkitekturor që konceptoi stadiumin e Tottenham Hotspur.
Stadiumi i ri i Milan dhe Inter duhet të ndërtohet në zonën e San Siros, me stadiumin aktual të Meazza-s të prishur pjesërisht pas ceremonisë së hapjes së Lojërave Olimpike Dimërore 2026. Stadiumi i ri duhet të jetë gati në vitin 2027.
Ai do të jetë më i vogël se Meazza, me një kapacitet prej 65,000 vendesh kundrejt 80,000 tanishëm.
Do të ketë më shumë vende ekzekutive për të maksimizuar të ardhurat, me Inter dhe Milan që pritet të fitojnë 80 milionë euro çdo vit nga shtëpia e tyre e re./K.T/Gijotina.com
Discussion about this post