Presidenti gjerman Frank-Walter Stenimmeier i është drejtuar Kuvendit të Shqipërisë, pas takimit në Presidencë ku ka shprehur kënaqësinë e tij për vizitën e sotme.
Steinmmeier vuri në dukje lidhjet e forta mes dy vendeve dhe konfirmoi mbështetjen e Gjermanisë për Shqipërinë, ndërsa kërkoi të bëhet durim për integrimin në BE.
“Ky sulm që Putini e nisi në marrëzinë e tij imperaliste ishte për të vendosur një shtet me dhunë nën pushtetin e vet. BE nuk ka lejuar të përçahet prej këtij sulmi edhe shtetet e G-20-ës e bënë të qartë shkeljen e Rusisë. Edhe Shqipëria dëshmoi në OKB se është partner i besueshëm dhe tregoi që ne mund të mbështetemi te ajo. Nisur nga historia e vendit tuaj, është emocionuese të shohësh tashmë një vend të lirë që aspiron Bashkimin Evropian, Evropa gëzohet për ardhjen e Shqipërisë, ju falenderoj për rrugëtimin tuaj dhe ju lutem ta vazhdoni me durim dhe këmbëngulje derisa të mbyllet në mënyrë të suksesshme. E ndjej kur vij, zemra juaj rreh për Europën sepse siç thotë një shprehje e bukur, kur ke zemër ke dhe krahë, përzemërsisht faleminderit!”, tha Steinmeier.
Lexo edhe: “Partnere e rëndësishme”, presidenti gjerman mbështet Shqipërinë
Discussion about this post