Kreu i bashkisë së Fierit, Armando Subashi, nuk ndalet me abuzimet e tenderëve, edhe pse është vënë në rreth nga SPAK-u për skandalin me Inceneratorin. Ndërkohë prokurimet e tij mbajnë vlera të larta, por janë të padobishme për qytetarët. Këtë herë ai ka planifikuar të shpenzojë 177 milionë lekë për beton.
Tenderi është mbyllur me datë 6 prill 2023 dhe ka si objekt “Blerje beton M.150 dhe M.200”. Për këtë prokurim kanë paraqitur oferta dy kompani “GENERAL BETON” SHPK dhe “LLAZO” SHPK. Të dyja me fond 154 milionë lekë, por kjo e fundit është skualifikuar që në fazën e vlerësimit të ofertave, me justifikimin se shitjet e mëparshme që ka bërë kanë pasur vlerë më të ulët.
Normal, që Subashi po kërkon të shpenzojë sa më shumë për 2000 m3 beton dhe nga kjo të pikojë edhe tek xhepat e tij.
Kështu në garë mbeti vetëm firma GENERAL BETON” SHPK në pronësi të Gramoz Caushajt. Kompania e tij përfitoi kontratën pa garë, pasi autoriteti kontraktor veproi në kundërshtim me ligjin e prokurimeve. Që ka si kriter konkurrencën dhe kursimin e fondeve publike.
Sakaq, në dokumente nuk përcaktohet se ku do të përdoret kjo sasi betoni, që do të blihet në këto dy vite. Në këtë pikë lindi dyshime sepse për betonin e rrugëve, Subashi bënë tenderë më vete.
Nuk është çudi që këto para të mos të shpenzohen vërtet për beton! Janë afera të pritshme nga një kryebashkiak si Armando Subashi. I cili po mundohet t’i shpëtojë edhe aferës së inceneratorit dhe që ndodhet në ditët e fundit të mandatit.
Kujtojmë se në vitin që lamë pas, pesë nga 11 personat e akuzuar për përfshirje në aferën e inceneratorit të Fierit, u lanë në qeli nga Gjykata e Posaçme. Në listën e personave të prangosur është pronari i kompanisë mbikëqyrëse të punimeve në landfillin e Fierit. Por, në hetimet për inceneratorin e Fierit nuk mungon edhe një aktor i dorës së parë, kryetari i Bashkisë së Fierit, Armando Subashi. Për kryebashkiakun ka një kallëzim në SPAK, i cili është publikuar pak muaj më parë nga Gijotina.com.
Lexo edhe:Armando Subashi pazare për klorin e rrezikshëm/ KPP i rrëzon tenderin 103 mln lekë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post