Drejtuesit e fushatës së Donald Trump thanë se do të shtohen masat e sigurisë, pasi ish presidenti u plagos nga të shtënat gjatë një mitingu të shtunën në Butler, Pensilvani.
Susie Wiles dhe Chris LaCivita u thanë stafit se “mbeten të tmerruar” nga sulmi, shkruan CNN.
“Ne dënojmë të gjitha format e dhunës dhe nuk do të tolerojmë retorikën e rrezikshme në mediat sociale”, theksuan ata.
Menaxherët e fushatës deklaruan se Konventa Kombëtare Republikane do të vazhdojë siç është planifikuar në Milwaukee.
“Në momente tragjedie dhe tmerri, ne duhet të jemi të vendosur në misionin tonë për të rizgjedhur Presidentin Trump”, thuhej ndër të tjera në deklaratën e tyre
Kandidati për president i SHBA-ve, Donald Trump është sulmuar me armë zjarri, në një tubim elektoral në Pensilvani.
Atentatori u ekzekutua nga shërbimi sekret, ndërsa Trump mbeti i plagosur në veshin e djathtë. Gjithashtu një prej pjesëmarrësve në miting mbeti i vrarë dhe dy të tjerë u plagosën.
Discussion about this post