Kryeministri Edi Rama sulmoi prokurorët dhe gjyqtarët, të cilët nuk dënojnë të arrestuarit për zjarrvënie të qëllimshme, megjithëse ligji parashikon burgime deri në 15 vite burg.
“Me ndryshimet që i kemi bërë vitet e fundit Kodit Penal, zjarrvënia e pyjeve dënohet deri në 15 vjet burg dhe në tasin e kësaj fare të keqe prokurorësh pa atdhe, ka deri edhe disa syresh që gjatë viteve të shkuara kanë shpallur deri mosfillimin fare të çështjes penale për zjarrëvënësit.
U bëj apel organeve të inspektimit të drejtësisë dhe mbikqyrjes së veprimtarisë së prokurorëve e gjykatësve, që të mos bëjnë sehir karshi këtyre individëve të padenjë për t’i shërbyer ligjit të Republikës së Shqipërisë.
U bëj gjithashtu apel prokurorëve dhe gjykatësve që kanë në duar rastet e lartpërmendura, që të zbatojnë rreptësisht ligjin dhe t’i dalin për Zot kësaj pasurie të vënë në breza, e cila u takon brezave të ardhshëm, po edhe krejt njerëzimi”, shkruan Rama në një postim në rrjetet sociale.
Pas qëndrimit të shfaqur nga Edi Rama, ka reaguar deputeti demokrat Edi Paloka, i cili po përmes rrjeteve sociale, shkruan se “prokurorët dhe gjyqtarët meritojnë gjithçka që iu thua”.
“Në fakt i meritojnë të gjitha çfarë ju thua se me gjithë të zezat që i ke bërë këtij vendi dhe skandalet e panumerta, do duhej të të kishin mbyllur pas hekurave me kohë”, shkruan Paloka.
Discussion about this post