Sulmuesi sqaron situatën: Nuk largohem nga Barcelona

Sulmuesi i Barcelonës Ferran Torres ka deklaruar qartë e pastër se nuk do të largohet nga kampionët në fuqi të Spanjës.

Spanjolli ka deklaruar se do të qëndrojë në Katalonjë dhe së shpejti do të vij momenti i tij për të shpërthyer.

“Unë do qëndroj te Barcelona, ​​kam kontratë dhe do të qëndroj këtu. Nuk më intereson çfarë thonë njerëzit për mua, kam aftësitë e duhura për të luajtur në një klub si ky.

Kam mësuar shumë gjëra vitin e kaluar. Ulje-ngritjet që kam pasur po më ndihmojnë në këtë fazë të parë.

Unë jam i pari që kritikoj veten, por jam i sigurt që shumë shpejt do të vijë shpërblimi për mundin tim”, deklaroi ai.