Kanë përfunduar pjesët e para të ndeshjeve respektive në dy kompeticionet europiane të Europa League dhe Konferencë Ligë. Skuadra e Lacios nuk ia ka dalë të gjejë golin në sfidën ndaj skuadrës së Marsejës. Në këtë duel aktivizohet si titullar futbollisti i kombëtares Strakosha i cili ka bërë dy pritje në këtë pjesë të parë.
Skuadra e Romës që luan në Konferencë Ligë po munden 2-1 nga Bodo, ekip norvegjez që synon vendin e parë në grup. Trajneri Murinjo ka përdorur rrotacionin në këtë përballje teksa luan nga minuta e parë mbrojtësi Marash Kumbulla i cili duhet thënë ka bërë një paraqitje të mirë.
Totenham nga ana tjetër nuk e ka gjetur ende rrugën e rrjetës përballe skuadrës holandeze të Vitesse. Londinezët janë favorit absolut por mungon finalizimi para portës.
