Tabaku: Realiteti për integrimin shumë larg, mbetet ende propagandë

Kryenegociatorja Majlinda Dhuli ka raportuar ditën e sotme në komisionin e integrimit evropian për ecurinë e Shqipërisë në procesin screanin për integrimin evropian.

Lidhur me këtë në një lidhje skype me studion e lajmeve MCN kryetarja e komisionit të integrimit Jorida Tabaku u shpreh se mbetet një fatkeqësi që integrimin nuk e kemi kthyer në favor të qytetarëve.

Ajo tha se lufta ndaj korrupsionit është në dorë të parlamentit dhe se realiteti për integrimin është ende shumë larg dhe mbetet një propagandë.

Sipas saj, opozita është përfshirë aq sa është lejuar në procesin e integrimit, por duhet puna e qeverisë të cilës i mungon vullneti.

“Është fatkeqësi që integrimin se kemi kthyer në favor të qytetarëve. Ky nuk është ushtrim dhe detyrë shtëpie, po ky duhet të jetë një ndryshim për jetën e qytetarëve dhe këto masa duhet të dihet nëse janë në zbatim, çfarë po bëhet me luftën kundër korrupsionit, me tregun e përbashkët. Nuk ka entuziazëm për integrimin.

Diskutimet shpesh herë kanë qenë hermetike duke e bërë këtë proces shumë teknik. Ky është një proces i shqiptarëve. Sot ndodhemi në një moment të rëndësishëm, ku procesi i integrimit kemi marrë një rol të ri dhe një pjesë e madhe ëhstë në dorë të poetikës për tu bërë. Krijimi i një baze legjislative që fenomene si ajo e bashkisë 5D apo inceneratorët të mos ndodhin në të ardhmen.

Unë kam dërguar në emër të opozitës paketa të ndryshme ligjore lidhur me korrupsionin, por ka një mungesë vullneti nga ana e qeverisë për ta bërë këtë luftë realitet. Është festuar me qindra herë hapja e negociatave. Çdo gjë që ka qenë në dorë të opozitës është bërë.

Maxhoranca është përgjegjëse për këtë, ne mbetemi në pritje të një date. Nuk mund të jetë procesi i integrimit çështje propagande. Nismat i ka penguar vullneti politik i maxhoracës. Fakti që i kanë thjeshtë për propagandë, nuk e di se çfarë e detyron maxhorancën të marrë një nismë dhe ta lërë rrugës. Procesi duhet të jetë gjithëpërfshirës dhe nuk duhet prekur reforma në drejtësi.

Aq sa na takon ne në parlament kemi bërë të pamundurën, detyrën e qeverisë ne nuk e bëjmë dot. Qeveria ka qenë aktive në këtë çështje duke ngritur tema kryesore. Kemi prezantuar dhe mekanizma për këtë çështje por në dorë për të bërë reforma dhe për të qeverisur e ka qeveria, por asaj i mungon vullnet politik“, tha Tabaku.